الثلاثاء, أبريل 24, 2018

يومياتي | Diaries

يومياتي | Diaries
 
السسسلام عليكم
 
قررت افتح هذة القسم علشان اتكلم عن تجاربي وعن حياتي بشكل عام وممكن تكون مقالات يومية وممكن أسبوعية حسب الوضع النفسي والعقلي :). بهذا المكان راح تكتشف أشياء كثير عني وراح أشاركم فيها زي سفراتي وطلعاتي وغيرها. الهدف من طرح يومياتي أو حاجات تحصل معي هي مجرد فضفضة وأحاول رسم ابتسامة في وجة اي شخص يقرأ مااكتب.
*
*
who-am-i-handwritten-620x330*
*
للي مايعرفني أنا أسمي علاء الثميري من المملكة العربية السعودية من مواليد المدينة المنورة وعايش حاليا في كندا في مدينة سانت جونز. متزوج من امرأة مالها مثيل بهل الكون واعتبرها زوجة وصديقة واخت بنفس الوقت. قضيت حياتي متنقل مابين عدة مدن بالسعودية منها جدة والمدينة والرياض والجبيل والسبب كان يا دراسة أو عمل. الحمدلله بعد مجهود ومساعده أبوي اللي مستحيل أنسي مواقفة معي تخرجت وصرت مهندس إنتاج. عندي أخت وثلاث أخوان ربي يسعدهم ويخليهم لي. وعندي أمي مااحصل في احد حنون وطيب زيها. لي حاليا سنتين ونص تقريبا في كندا قضيت سنة وعشرة شهور في مدينة أوتاوا ونقلت بعدها الي مدينة سانت جونز. من أكثر الاشياء اللي آحبها هي التكنولوجيا واعشق كل شي فريد ومبتكر بالالكترونيات ودايم تلاقيني بالمحل اول ماينزل جهاز او جوال ولا غيره. هذه نبذة بسيطة عن نفسي وراح تكتشف اكثر لم تتابعني بهذي المدونة.
 
اتمني اشوف تفاعلكم معي علشان اتحمس وكذة يعني 🙂

شاهد أيضاً

بداية المشوار | The beginning

بداية المشوار | The beginning   اليوم بتكلم شوي عن المدونة وليه فكرت افتح مدونة. من …

2 تعليقات

  1. ما شاء الله
    الله يوفقك يا اخ علاء ويعطيك ما تتمنى

أترك لك رد هنا ... بصمه ب ( شكر/ حكمة / نصيحة ) ..