كل ما تريد أن تعرفه عن أوتاوا | Everything You Want To Know About Ottawa

كل ما تريد أن تعرفه عن أوتاوا | Everything You Want To Know About Ottawa 

485485_10151620856945539_2090834522_n_full

كوني عشت في مدينة آوتاوا في كندا آقل من سنتين ، راح اقولكم تجربتي ورآي والموجود فيها بكل صراحة

 

آوتاوا مدينة جدا جميلة وهادية و آمنة جدا والحمدلله ماقد حصلت لي اي مشكلة فيها مع خروجي في مختلف الاوقات. سكان مدينة اوتاوا جدا مسالمين وتعاملهم مع المسلمين من تجربتي فيها آحترام ويمكن هذا السبب يرجع لوجود نسبة عرب كبيرة فيها او في مقاطعة آنتاويوا بشكل عام. نسبة السعوديين كبيرة نوعا ما بس طبعا ماتقارن بتورينتو مثلا.

 

فيها سوبر ماركت ومطاعم عربية كثير ولكن قليل جدا من المطاعم اللي تقول اكلهم لذيذ، الغالب ( الله يكرم النعمة بس ) وراح اكتب المطاعم اللي جربتها تحت مع العنوان لكم.

 

مساحة المدينة تعتبر متوسطة وممكن تشوف كل الجنسيات فيها وبفترة الصيف جدا جميلة لكن في الشتاء ممله  نوعا ما (كندا بصفة عامة مملة في الشتاء لانو اولا طويل وثانيا برودة الجو ماتساعد انو الواحد يطلع الا لاماكن مغلقة زي المولات والمطاعم وغيرها).

 

*
*

فيها اربعة معاهد قوية حسب علمي ( معهد جامعة آوتاوا ، معهد كلتشر وورك، معهد كلية الجونكوين،و CLLC):

انا درست في البداية في معهد CLLC ( معهد تجاري مره كويس .كان فيه مدرسين ممتازين بس الحين مدري عنه لانه لاحظت يتغيرو المدرسين بكثرة عندهم والمعهد جيد للتاسيس. يعني لو حابب تاسس نفسك في اللغه انصحك فيه لكن اذا انت مستواك كويس ماانصحك تروح له. المعهد يعطيك الاساسيات زي ماذكرت قبل ويقويك من ناحية الكلام والقواعد. نظام الدوام عندهم  الاثنين – للخميس من 8 صباحا الي 2 مساء اما الجمعة مخصص للاختبارات والدوام فيه ينتهي 12  ( احيانا يكون في دوام مسائي).

*
*

معهد كلية الجونكوين ( والله المعهد ممتاز ويعلمك آساليب ومهارات في الكتابة والقراءة وغيرها اساليب تستفيد منها لما تدخل للجامعة مثل طرق البحث وايجاد المعلومة. وآنا بصراحة استفتد منه كثير والكتب بنظري قوية. اغلب المواضيع فيها علمية شيقة وتشدك. يعني تتعلم شي آكاديمي وممتع بنفس الوقت ونظام دوامهم من 12 الظهر الي 4 مساء وعندهم دوام صباحي بس للكندين او للي عنده ظروف معينة مثل اطفال.

*
*

معهد جامعة اوتاوا للامانة مدري عنه كيف بس ناس تقول حلو وكويس وناس تقول دوامهم طويل حيل ومافيه فايدة كثير. حسب ماسمعت دوامهم من 9 او 8 صباحا الى 4 او 5 مساء ( تقدر تسالهم لو تبي ).

*
*

عدد المولات اللي فيها ثلاث فقط واللي هي الريدو سنتر و سان لورانت و Bayshore (بالنسبة لي ماتفرق معي كم مول بس البنات يهتمو للعدد 🙂 )

*
*

طريقة المواصلات عندك الباص ويوصلك لجميع مناطق اوتاوا والتاكسي ( مافي صب واي ) وسعر بطاقة الباص للفرد اعتقد 95$ للشهر كامل ( مو متاكد من السعر لكن مو بعيد عنه كثير)

*
*

اسعار السكن في آوتاوا عن نفسي مااشوفها غالية كثير انا مثلا كنت اخذ شقة غرفتين وصالة وحمام ومطبخ مع الموية والكهرباء والتدفية ب1250 دولار وكانت في موقع جدا ممتاز. اسعار البيوت مقدر افيدكم فيها كثير لكن موقع كجيجي مايخليك تحتاج تسال احد 🙂 .

*
*

كثير يسآل هل يكفيكم المكافاة او لا ( بكل صراحة يكفي ويزيد هذا بالنسبة لي انا ، ممكن انت آنسان تحب تصرف اكثر او من الاشخاص اللي يحبو التسوق وماتكفيك المكافاة. ( في مقالة مستقلة راح اوضح لكم طريقة ممكن احد فيكم يستفيد منها ويوفر له مبلغ ممتاز لبعد البعثة )

*
*

أسماء المطاعم اللي اعجبتني مع عناوينها :

– مقهى ومطعم السندباد : اكله مره حلو ويسوي كبسات واكل عراقي خرافي بس لم تجي تطلب اسال ايش في اكلات غير الموجودة بالمنيو وهو يقولك وكمان للي يحب يشرب معسل عنده المعسلات كويسه. العنوان:

1344 Bank Street, Ottawa, ON K1H 7X9

*
*

– مطعم أبو لؤي (Les Grillades) : انا جربته في المشاوي وكان لذيذ وعندهم كل يوم احد فطور من وراء العقل (يستاهل الواحد يجربه ). العنوان :

 85Holland Avenue
Ottawa, Ontario , K1Y 0Y1

*
*

زاكي : عندهم بروست او بروستد ع قولة اهل نجد لذيذ ومحل نظيف ويفتح النفس

*
*

1385Baseline RdOttawa

 ON,K2C 3G1

– فطاير البحر المتوسط : كل الفطاير عندهم حلوة ولذيذة

 2714Alta Vista Dr

, Ottawa, ON K1V 7T4

*
*

مطعم red lobster : آحلا محل مأكولات بحرية في آوتاوا ( مو عربي المطعم )، العنوان :

 1499St. Laurent Blvd
OttawaON K1G0Z9

*
*

آخر الكلام مدري اذا نسيت شي ولا لا لكن لو عندك اي سؤال آنا حاظر

 

سلآآآآآآآآم

 

 

 

شاهد أيضاً

الإستعداد ماقبل وبعد الوصول الى كندا

الإستعداد لماقبل وبعد الوصول الى كندا    كثير مننا لم يكون ناوي يسافر لفترة طويلة …

أترك لك رد هنا ... بصمه ب ( شكر/ حكمة / نصيحة ) ..