الثلاثاء, أبريل 24, 2018

كثرة برامج التواصل ولكن قل التواصل بين الناس !

كثرة برامج التواصل ولكن قل التواصل بين الناس ! 

 

في موضوع من جد يقهرني ويزعلني واللي هو قل التواصل اللي حاصل بين الأقارب والأصحاب. لو نرجع لعشرة سنوات أو اكثر لوراء نشوف ان الحياة كانت احلا بكثير من الحين والسبب قرب الناس من بعضهم وصفاوة القلوب مع انه ايامها لا كان في واتس اب ولا تويتر ولا غيرو والتواصل كان صعب شوي لكن قوي مره. الحين كل واحد بجهازه عشرة برامج تواصل اجتماعي وكل واحد فيهم تحصل امة فيها ولكن لو تشوف التواصل في مابينهم يمكن مايقل عن اثنين ولا ثلاث اشخاص واحتمال اقل. انا من عشاق التكولوجيا الحديثة بكل انواعها ولكن بهذا الجانب بصراحة اكرهها. خلت الناس مدمنين للبرامج زي تويتر وغيرها ولكن بدون فايدة وحاليا صارت ٨٠ ٪ دعايات وحسابات ( سخيفة ) واعذروني عن الكلمة وال٢٠٪ ممكن مايطلع منها الا ٢ او ٣ ٪ فايدة ومعلومات قيمة. وهذا الشي مو بس بالعرب حتي بالاجانب موجود. بحكم اني عايش بدولة اجنبية وشايف كيف الوضع ولا يختلف عننا بكثير الا اخس كمان.

img_1369640899_899

ممكن الجيل الجديد لو يشوف كلامي هذا يقول مهوي 🙂 . اختلاف اجيال 😁 وممكن اللي من جيلي يتفق معي بالكلام وممكن كثير يختلف. اتمنى أيام اول ترجع ويكونو الاصحاب والاقارب يتواصلو بشكل احسن لانه من جد هذا الشي جدا مهم ويأثر على نفسية الشخص مع اني اشك هذي الايام فية اصحاب او حتي اقارب الواحد يمكن يجلس شهور ولا يحصل احد يسأل عنه. لما افتكر ايامي قبل وكنت اغلب الوقت برا البيت وبحكم انو حياتي كلها كنت بعيد عن اهلي من عمري ١٨ او ١٩ سنة وانا عزوبي ومتنقل بين مدن المملكة والحين متزوج ولكن متنقل خارج المملكة وكله علشان المستقبل اكتشفت انه مايدوم لك الا امك وابوك واخوانك بس. هم اللي تحس يسألو عنك  ويهتمو لامرك ( نصحية مني اذا انت بين امك وابوك وعايش عندهم استغل وقتك معهم واخدمهم بعيونك ) صدقني لم تكون مضيع وقتك كلو برا بيتك وقليل ماتجلس مع امك وابوك ماراح تحس فيهم وتعرف مقدارهم صح الا لم تبعد عنهم وتشوفهم هم اكثر ناس يتواصلو معاك مع انك انت كنت اقل واحد يتواصل معهم وانت جنبهم !! وفيه مقوله لمسعود سماحة تقول “وما صِلٌّ تُرافقُه المنايا ويجري السمُّ قتالاً بفيهِ بأقبحَ من عُقوقٍ لا يراعي كرامةَ أمهِ ورضى أبيهِ “

 

بأخر كلامي اتمنى ارجع عشر سنوات وراء وارجع احس بقلوب ونفوس الناس الجميلة.

img_1369640899_899

كذلك اتمنى تكتبو لي آراءكم ، هل برامج التواصل الأجتماعي بالاخص والتكولوجيا بشكل عام أثرت بشكل سئ على حياتنا ولا لا ؟

 

وهل تشوف الناس مثل اول بتواصلهم وقربهم من بعض ؟ 

 

 

شاهد أيضاً

يومياتي | Diaries

يومياتي | Diaries   السسسلام عليكم   قررت افتح هذة القسم علشان اتكلم عن تجاربي …

أترك لك رد هنا ... بصمه ب ( شكر/ حكمة / نصيحة ) ..