شراء سيارة في كندا | Buying a car in Canada

من فترة كنت ناوي اشتري سيارة مستعملة في كندا استخدمها في مشاوير معينة. من خلال بحثي بالنت ومواقع المختصة بالآبتعاث والمبتعثين ماحصلت معلومة مفيدة وكاملة للطريقة الشراء وانا متاكد آي شخص ناوي يشتري سيارة راح يعاني من الخطوات وكيف شراء السيارة من دون ماينصب عليك او احد يضحك عليك.

 

آول شي بالنسبة للرخصة تختلف من مقاطعة الي مقاطعة. مثلا في Ontario و Newfoundland لازم بعد ثلاث شهور من دخولك الاراضي الكندية تطلع رخصة المقاطعة.

الطلبات سهلة جدا : تصريح الدراسة + جواز السفر + بطاقة الجامعة

اول ماتروح لمكتب الرخص رايح يختبروك نظري للآشارات ومعلومات عن السواقة وفي بعض المقاطعة توفر لغات مختلفة للاختبار ويسمونة written test for driver license  ولا تخاف لو رسبت تقدر تعيدة مثل ماتبي. بعد ماتعدي هذة الاختبار عندك اختبار ثاني وهنا في نقطة مهمة. لو انت معاك رخصة سعودية سوي لها ترجمة ويوم حجز موعد الاختبار قولهم انه معاك رخصة من بلدك هذي الخطوة راح توفر عليك انتظار 9 شهور علشان تسوي اختبار الطريق او Road test. طبعا يوم اختبار الطريق لازم تكون معاك سيارة مستآجرة او سيارتك للاختبار.

بعد اصدار الرخصة الموقتة اللي راح يعطوك هي بعد اختبار النظري تقدر تشتري فيها سيارة بس ماتقدر تسوقها.

 

وخلصنا من الرخصة وجاء وقت شراء السيارة وراح اشرحها خطوة خطوة. 

اول شي عندك اكثر من مكان تدور علي سيارة تناسب الميزانية مثلا موقع كجيجي او من معرض للسيارات.

 

ثاني شي لو شفت لك سيارة واعجبتك بآي مكان  خذ رقم الشاصي او VIN واكشف علي السيارة مثلا كم مالك للسيارة من قبلك وهل حصل عليها حوادث او شي، وافضل المواقع موقع carproof . وطبعا الخدمة غير مجانية لازم تدفع علشان تشيك ع السيارة.

 

ثالث شي لو اعجبتك السيارة واتفقت انك تشتريها قبل لا تشتري اكشف عليها او سوي لها inspection علشان اصدار الاستمارة وكمان علشان تتاكد من سلامة السيارة وانتبة من الصدآ في السيارات الكندية والسبب من الثلج واستخدام الملح بالشوارع.

الحين بعد ماشفت السيارة واعجبتك وكشفت علي رقم الشاصي وسويت لها فحص. نجي لطريقة آتمام البيعة ، حاولت علي قد ماتقدر تكاسر مع البايع خاصة لم تكون متفق معه من موقع مثلا كجيجي او غيرة ( الكندي ينهبل لم يشوف الكاش معاك وناوي تشتري خلاص ) واذا تمت هذي الخطوة راح يطلع لك استمارة السيارة ويكتب لك خلفها اسمك ورقم الرخصة والسعر وانتبة السعر غالبا يكون قبل التاكس ورسوم تحويل السيارة والتاريخ وغيرها من البيانات. واحيانا يبعها مع التاكس بس لازم يسجل لك رقم الخاص فية للتاكس.

 

رسوم تسجيل السيارة بسيط يمكن 50 دولار اقل او آكثر بشوي اما التاكس حسب سعر السيارة والمقاطعة تقدر تسآل اي احد بالجامعة او صديق كندي لك.

 

تاخذها وتسوي تآمين للسيارة ويكون معاك ورقة الفحص اللي هي inspection وتروح للمكتب وتسجل السيارة بآسمك وتصدر لوحات ( آحيان المعارض تبيع لك السيارة مع لوحاتها وهي تسوي لك التسجيل مقابل الرسوم وفوري اعتقد ).

 

بعدها آلف مبروك السيارة الحين مسجلة بآسمك وتآمينك ورخصتك معاك وعيش ي معلم 🙂

سلآآم

شاهد أيضاً

الإستعداد ماقبل وبعد الوصول الى كندا

الإستعداد لماقبل وبعد الوصول الى كندا    كثير مننا لم يكون ناوي يسافر لفترة طويلة …

4 تعليقات

  1. اذا عملت كل هالاجراءات وطلعت مسروقة ما الحل؟

    • كيف مسروقة؟

      وقت كتابة العقد ماشفت اسم الاستمار وتطابق الاسم مع الاستمارة ؟

      اكيد طبعا بلغ الشرطة وقدم كل المعلومات اللي تعرفها عن هذا الشخص وباذن الله حقك بيجيك

  2. عبد الرحمن محمد

    هل من السهولة أن أحصل على تأمين للسيارة كون أني وافد جديد إلى كندا ؟

أترك لك رد هنا ... بصمه ب ( شكر/ حكمة / نصيحة ) ..