الأربعاء, سبتمبر 19, 2018

رمضان في الغربة

رمضان في الغربة

16

هذا ثاني رمضان لي في كندا وكل عام وانتو بخير وبصراحة مافي احلا من اجواء رمضان بالسعودية ، روحانية وتحس برمضان خاصة بين اهلك. رمضان اللي فات كنت في مدينة اوتاوا وبالنسبة لي كان صعب مرررره ولاني مدخن احس بمعاناة وانا رايح للدوام واشم رائحة الدخان بكل مكان 🙁 . لكن هنا شوي اهون رغم طوول الوقت. تخيل الفطور عندنا ٩:٠٥ م والامساك الساعة ٢:٥٠ ص ” يعني ي دوبك تهضم الفطور والله”. قررت انا والمدام نفطر ع الخفيف ونخلي السحور للدسم 😁. اريح لي ولها بحكم كلنا عندنا دوام بالنهار وحتي كمان الواحد مايحس بخموول بعد الفطور. لانه الله رزقني بدكتورة تجيب الهم <= قافل عليها مره ، ياعليها قوة واجبات شي مو طبيعي تحسسك انة مافي حياتك شي غير الدراسة. كنت مخطط اني انزل للسعودية في رمضان لكن الله ماكتبها لي ” امي ربي يخليها لي كل ماتكلمني تقولي هذه ثاني رمضان من دونك مو حلو ” ي ستي عليها ❤️.

مع اني عارف لو نزلت في رمضان راح اطق من الطفش ولاني مااحب اقضي نهاري فاضي ومتعود علي رمضان دام يادراسة ياشغل. بس هذه يهوون لم تكون بين اهلك وحولهم. والشي الصعب كمان تشوف كل الناس تاكل وتشرب حولك وانت حدك تتفرج بس 😁 بس الحمدلله احساس بالجوع مافي لكن البلاوة الدخان الله يكفيني منه.

سامحوني ع قلة نشاطي هل الفترة بس لضيق الوقت ولكن بحاول كل مااقدر اكتب شي بكتب وانزل لكم

 

بس مدري رغم في متابعين للمدونة لكن مااشوف تعليقاتكم ولا تواصلكم

 

 عالعموم كل عام وانت بخير، ورمضان كريم ان شاء الله ويارب يكون رمضان خير عليكم

 

 

 

شاهد أيضاً

يومياتي | Diaries

يومياتي | Diaries   السسسلام عليكم   قررت افتح هذة القسم علشان اتكلم عن تجاربي …

أترك لك رد هنا ... بصمه ب ( شكر/ حكمة / نصيحة ) ..