الأربعاء, يوليو 18, 2018

خطاب الغرض من الدراسة| Statement of Purpose

خطاب الغرض من الدراسة| Statement of Purpose

خطاب الغرض من الدراسة Statement of Purpose هو من اهم متطلبات التقديم للجامعات الكندية أو الأمريكية لمرحلة الماجستير والدكتوراه. خطاب الدراسة الناجح يحتاج عدة عوامل من اهمها أسلوب الكتابة وقوة اللغة الانجليزية وكذلك طريقة سرد وتدرج المحتوي لمعلوماتك الدراسية ومهاراتك وغيرها من المعلومات المطلوبة. اليوم راح اشرح الطريقة المثالية لكتابة خطاب الدراسة وطبعا في اكثر من طريقة واسلوب متوفر لكن انا راح اشرح الطريقة اللي اعرفها. قبل كل شي انتبه انتبه من اخذ خطابات الدراسة الموجودة على النت لانه الدكتور مو غبي لهذي الدرجة ولو عرف انة خطاب الغرض من الدراسة منسوخ من موقع  أو منتدى ,رايح يرفض طلبك ع طول وماراح يقبلك عنده كطالب لانك بهذي الطريقة تبين له انك انسان كسول.

 

effective-ways-of-writing-statement-of-purpose-480x270

خطاب الدراسة عبارة عن مقالة ( Essay) تتكون من مقدمة (Introduction) و الـ  Body paragraphs و الخاتمة ( Conclusion) وفي الاغلب تكون عالاقل 500 كلمة او مايقارب هذة الرقم.

نبدا بالمقدمة ( Introduction):

– نبذة عن نشأتك وتبين فيها انك من صغرك كان لك ميول لهذا التخصص او المجال طبعا بطريقة غير مباشرة.

–  لمحة بسيطة عن سبب اختيارك لتخصصك وأيش اللي جذبك لهذا التخصص من قبل الدخول لدراسة البكالوريوس.

*
*

Body paragraphs :

First paragraph

– في البداية تكتب عن سنة التخرج والجامعة وأسم تخصصك والدولة الموجود فيها جامعتك.

– مشاركاتك أثناء الدراسة الجامعية مثل حظور مؤتمرات او دورات كانت متصلة في تخصصك بشكل مباشر أو غير مباشر.

– تكتب اذا عندك اي نوع من التدريب العملي وتذكر كم نقطة استفدت منها خلال فترة التدريب العملي بشكل بسيط ودقيق.

– تكتب عن المهارات اللي اكتسبتها خلال دراستك مثلا اشتغلت في معامل واجريت بعض التجارب زي … الخ .

*
*

Second paragraph

– تتكلم فيها علي انك حاليا خارج المملكة لدراسة اللغة وشنو استفتد من هذي التجربة مثلا تطوير مهاراتك في التواصل مع الناس باللغة الانجليزية و تطوير مستواك في الكتابة والقراءة وغيرها من المهارات. يعني تتكلم عن وضعك الحالي بشكل منجز ودقيق.

*
*

Third paragraph

– تتكلم فية عن سبب اختيارك مجال البحث او التخصص للماجستير وليه بالذات هذا التخصص.

– شنو راح تكون او شنو بتفيد بلدك لو تخرجت بهذا التخصص وكذلك أيش المجال اللي راح تشتغل فية بعد التخرج أو المكان.

هذة الجزء مهمة جدا حاول ع قد ماتقدر تكون دقيق وكلامك واضح جدا واهدافك للمستقبل 

*
*

الخاتمة ( Conclusion)

– تتكلم عن سبب اختيارك هذي الجامعة بالذات مثل انها لها سمعة قوية بتخصصك أو ترتيبها العالمي وغيرها من المميزات اللي تتميز فيها كل جامعة عن غيرها.

– تقول انك تواصلت مع دكتور بالجامعة وتكتب اسمة وانة وافق تكون طالب تحت اشرافة في الماجستير وتكتب اسم او مجال دراسة الماجستير أو بحثك.

– كلمة شكر لهم انهم شافو طلبك وتتمني قبولة حتي تستمر في رحلتك التعليمة وأستمرار انجازتك في الحياة.

*
*

نقاط مهمة بعض كتابة خطاب الغرض من الدراسة 

كلم مدرستك او مدرسك بالمعهد يشيك علي الاسلوب ومستوي الكتابة للخطاب وتقدر ترسل خطابك لقسم القبول بالملحقية يساعدوك كثير بهذي الناحية.

أستخدم كلمات أكاديمية بحت في كتابة الخطاب.

خلي صديق لغتة الام الانجليزية ويقولك رأي بالأسلوب وشنو فهم من خطابك ( احيان لغة التعبير تخون الكتابة خاصة لم تتكلم بلغة مو لغتك ).

اللي يقرا الخطاب يحس أنة عرف عنك معلومات ويتخيل انة يعرفك تماما من عدة نواحي.

تخلي اللي يقرأ الخطاب يقول انك ذكي من دون انت ماتكتب هذة في خطابك.

تكلم عن نفسك بتواضع ولا تكون مثالي.

لا تستعرض انجازتك بغرور او انك سويت شي واو ( يعني بالحجازي لا تفرد عضلاتك عليهم 🙂 ).

لا تمدح نفسك.

افتح قوقل واكتب Statement of Purpose وخذ خلفية وافكار من خطابات سابقة بالنت بس لا تنسخ ابدا ( اذا اعجبك شي مرة غير أسلوب أو صيغة الكتابة بحيث اللي يشوفة يقول انة اسلوبك.

*
*

أن شاء الله يكون كلامي واضح ومفهوم لكم ويوصلكم اللي ابي اشرحه لكم.

سلآلآلآم

 

شاهد أيضاً

الإستعداد ماقبل وبعد الوصول الى كندا

الإستعداد لماقبل وبعد الوصول الى كندا    كثير مننا لم يكون ناوي يسافر لفترة طويلة …

9 تعليقات

  1. السلام عليكم ورحمة الله وبركاته ..
    الله يسعدك قد ما كان كلامك واضح ومفهوم بالنسبة لي ..

    بس حابه اسالك أخوى متى قدمت على الجامعات ؟؟ لانه لي في كندا الأن قرابة 5 شهور بس للحين ماني قادرة اكتب اي خطاب
    احس أني احتاج وقت بعد 🙁

    الله يسرها لنا ويختار لنا الخيرة في كل أمر

    • وعليكم السلام اختي

      اللهم امين يارب ووياكي …

      الوقت حسب نظرتك وقوة لغتك لانها راح تساعدك بالكتابة بشكل كبير ( كتابة الخطاب انا اعتبرها مهاره وتحتاج وقت حتي الشخص يكتسبها ) ، ونصيحة لو انتي في معهد اكاديمي ، كلمي احد المدرسين لو عنده وقت بس يشيك ع الخطاب وكذلك عندك الملحقية كمان يساعدوك في الخطاب ( من ناحية تعديل وطرح افكار مو كتابة ).

      خذي وقتك بالخطاب ، في شباب اعرفهم جلسو ثلاث شهور علشان يطلعو بخطاب ممتاز ومرتب ومفهوم

      الله يوفقك ويسهلك آمرك ان شاء الله

  2. شكرا شكرا جدا ساعدني البوست واستفدت منه عطاني زؤيه واضحه للكتابه

  3. الله يعطيك العافية ويسخر لك الاخيار

    انت نزلت علي من السماء
    لي شهر ونص بس اكتب خطاب بحث عن مشرف وجلست في دوامه وكآبة من السلبيات اللي قريتها في المنتديات وقوقل عموماً

    كلامك رجع لي ثقتي بنفسي وتفاءلت من جديد

    بس بعد اذنك ممكن تعطيني اساسيات خطاب البحث عن مشرف يعني اش اكتب بالضبط كخطوات
    هل يكون مرفق بالايميل او اكتبه عادي ايميل فقط؟؟

    ولما حصرتك تقول لاتراسل اكثر من دكتور
    هل تقصد من الجامعة عموما او فقط من نفس القسم؟؟
    واذا مارد علي المشرف متى يمكنني ارسل مشرف غيره من نفس القسم؟؟

    وسؤال اخير بهذا اليوم الفضيل ان الله يرزقك من واسع رحمته وفضله
    كم اراسل جامعة بخصوص طلب مشرف مع العلم انا ابحث عن مشرف دكتورا

    وشكراً

    • الله يعافيك ي رب اختي ام عمر

      فعلا السلبيات وتعميم التجربة الشخصية منتشر وبكثر بالمواقع. كل انسان له سيرة ذاتية مختلفة وامكانيات مختلفة فلا يمكن التعميم

      الحمدلله زوجتي جبت لها ثلاث قبولات ماستر فيزياء في كندا ، رغم اغلب المواقع يقولو صعبة ومستحيل ومدري ايش بس لم ترجعي للسبب تشوفي انه في خطوة او مشكلة بالتقديم وكان يطبقها ع جميع الجامعات في التقديم

      نصيحة من اخ لا تاخذي كلام من احد وسوي اللي تقدري علية وبمجهودك باذن الله مايضيع لك تعب

      نجي للاستفسارت بردك

      ماادري ايش تقصدي بالخطوات في كلامك . لاني كاتب خطوات الخطاب والمعلومات المطلوب منك تكتبيها

      وبخصوص الكتابة ، اي نعم خليها مرفق بالرسالة لانه راح تكون طويلة وكذلك بالايميل ماراح تكون مرتبة والافضل تكون PDF علشان تكون بوضعها حتي لو فتحت من كمبيوتر مختلف ولو عندك صديقة او شخص لغة الام انجليزي خليه يشيك عليها علشان تعرفي احيان طريقة التعبير وايصال المعلومة يختلف من مكان لمكان حتي لو كانت لغتك ممتازة

      وبخصوص سؤالك عن المراسلة ، قصدي بالقسم علشان تعرفي القسم غالبا يعرفو بعض وممكن يكون فيه كلام بينهم ويعرفو انك ارسلتي لاكثر من دكتور ( انتي عارفة كل دكتور له مجال بحث غير لو كل واحد فيهم انتي مرسلة له انك مهتمه في بحثة راح يستغربو كثير ، كيف مهتمة في اكثر من مجال بحث ؟!. ان شاء الله فهمتي قصدي بذي النقطة

      ومن ناحية المدة يعني تقريبا شهر وشوفي دكتور ثاني

      ع قد ماتقدري تقدمي ع جامعات قدمي مو مشكلة ( لم يجيك اكثر من خيار افضل بكثير من خيار وحيد ) هذا يترك لك الخيار في الاختيار للجامعة والمكان والامكانيات الثانية لكل مدينة

      ان شاء الله اكون جاوبت ع كل الاستفسارات واذا عندك اي استفسار ثاني تقدري من خلال صفحة ( كن على اتصال ) تتواصلي معي

      هنا كذلك انا كاتب طريقة الحصول ع قبول ( مو بعيد كثير عملية التقديم للدكتورا عن الماجستير ممكن تفيدك بشوية معلومات او خلفية عن الخطوات )

      الرابط : اضغطي هنا

      .
      .
      .

  4. الله يبض وجهك ويجزاك خير

  5. بارك الله فيكم ارجوكم محتاجه شخص يساعدني في كتابة سيرة داتيه للجامعة في كندا تخصص علوم كمبيوتر اختكم من ليبيا

أترك لك رد هنا ... بصمه ب ( شكر/ حكمة / نصيحة ) ..