الأربعاء, يوليو 18, 2018

الحصول على قبول ماجستير في كندا

الحصول على قبول ماجستير في كندا

السلام عليكم

كثير من المبعثين عندهم هاجس الحصول على قبول ماجستير وبعضهم يتوقع انه من المستحيل الحصول علي قبول في كندا. ومن خلال بحثي بالمواقع الخاصة بالابتعاث شفت كثير تعليقات تحبط اللي ناوي يجي يكمل دراستة بكمية التشائم. بكل صراحة هذة سبب لي قلق مو طبيعي ولكن بعد المحاولة ومعرفة الطريقة المناسبة للحصول علي قبول اختفي هذة القلق والتوتر بسرعه رهيبة. اليوم راح اتكلم عن تجربتي بالحصول علي ثلاث قبولات ماجستير بآقوي جامعات كندية هي University of Ottawa و University of Alberta و Memorial University of Newfoundland.

*

اول خطوة وهي متطلبات القبول :

1- شهادة التخرج والسجل الآكاديمي وعالاقل 10 نسخ طبق الاصل.

2- خطاب الدراسة او statement of purpose.

3- ثلاث توصيات من دكاترة درست عندهم ومختومة من الجامعة (مطبوعة على الورق الخاص بالجامعة).

4- السيرة الذاتية

5- اختبار اللغة

6- مراسلة دكتور من الجامعة المراد التقديم عليها في التخصص اللي تبغاه( لاتراسل اكثر من دكتور في نفس الجامعه) هذي الخطوة اساسية ومهمه جدا عشان تحصل على القبول. طبعا لازم تتاكد من لغتك وكذلك اسلوب المراسلة لازم يكون اكاديمي بحت وراح انزل في مقالة ثانية صيغة استخدمتها في مراسلة الجامعات الكندية.

*

متطلب 1 و 3 لازم تسويها قبل ماتجي لكندا وتكون في ظرف مختوم من الاطراف. مهمة جدا هذي الخطوة تكون جاهزة قبل وصولك لكندا علشان الوقت وكمان تكون جاهز من بدري.

*

نجي لخطاب الدراسة وهو يعتبر 60٪ من حصولك علي القبول وراح اتكلم عنه في مقالة منفصلة وعن اهم النقاط اللي لازم تكون في خطاب الدراسة.

*

نروح للسيرة الذاتية وطبعا لها ترتيب معين للمعلومات ولازم تكون بطريقة مختصرة جدا وراح اشرحها في مقالة منفصلة.

*

آختبار اللغة واللي الكثير يعتبره عائق كبير لهم والسبب اعتمادهم على آختبار الآيلتس بشكل كبير وكثير منهم اكتشفت انهم مايعرفو انو في انواع اختبارات ثانية وآسهل من الآيلتس زي  اختبار CAEL وهو اختبار كندي وسهل وتقدر تجيب الدرجة المطلوبة. وغيرها زي TOEFL  و CanTEST. التوفل مستواه تقريبا نفس الايلتس. بس لا تتوقع انك بآي اختبار منهم راح تجيب الدرجة من آول مرة (علي قولتهم التكرار يعلم الشطار ) اختبر مره واثنين وثلاث بكل هذي الاختبارات مو خسران شي دام الملحقية راح تعوضك عن مبلغ الاختبار. طبعا تاكد قبل ماتقدم علي الجامعة شوف ايش الاختبارات المقبولة من طرفهم.

*

نتكلم عن اختبار الآيلتس ، الصعوبة فية انة يحتاج مهارات و استراجيات معينة عشان تقدر تجاوب على الاسئله. مثلا في قسم القراءه (reading) تحتاج تستخدم استراتيجيات زي skimming, scanning وغيرها لانو عندك 60 دقيقه فقط عشان تقرا 3 مقالات(طويله على الغالب) وتجاوب على 40 سؤال وهدا شي مستحيل. الاستراتيجيات توفر عليك وقت لانك باستخدامها ماتحتاج تقرا كل شي في المقال. بالنسبة لجزئية الاستماع ( listening) الصعوبة اللي المعظم يواجهها انو اللهجة المستخدمة في المقطع الصوتي هيا البريطانيه (British accent) وليس الامريكيه او الكنديه. والميزة في اختبار الآيلتس انة معتمد دوليا وبكل الجامعات.

نجي لآختيار CAEL هو معتمد من معظم الجامعات الكندية وموجود في كندا فقط. ميزة هذا الاختبار انو في قسم القراءه (reading) المفردات المستخدمه في  الاسئله ممكن تلاقيها مباشرة في الموضوع وبالتالي تسهلك الحصول على الاجوبه بعكس الايلتس اللي يستخدم فيه مفردات مختلفة الشي اللي مايخليك تلاقي اجابة مباشرة للاسئلة. ومستوي صعوبة المقالات يعتبر معقول مقارنة بالايلتس. نقطة ثانية ايجابية انو في جزئية التحدث (speaking) راح تسجل ع الكمبيوتر وتتجنب التوتر اللي ممكن يصيبك لما يختبرك شخص فيس تو فيس. والاسئلة من تجربتي الشخصية سهلة وممكن التحضير لبعضها من الموقع الرسمي. اما فيما يخص الاستماع فهوا باللهجة الكنديه (الامريكية) وسرعة المتحدث معقولة بحيث انك ممكن تلقط اغلب الاجابات. واخيرا الكتابة (writting) ماتحتاج تجيب شي من مخك لانو لازم تستخدم المعلومات اللي قريتها وسمعتها في كتابة ال essay.

*

وآهم ميزة في الاختبار انو كل الاقسام ماعدا التحدث(speaking) موضوعهم واحد يعني تقرا وتسمع وتكتب عن نفس الموضوع.

وبكذا باذن الله راح يجيك قبول من اكثر من جامعة اذا تبعت هذي الخطوات بالطريقة الصحيحة.

وانا عارف في ناس راح تشكك انو ممكن شخص واحد يجيه آكثر من قبول في الماجستير بنفس الوقت وفي كندا كمان  وانا راح اصور لكم الايميلات واثبت انو آي شخص يتبع خطوات التقديم الصح راح يجي قبول باذن الله .

*

ملاحظة : صور القبولات لزوجتي وليست لي

ottawa

mun

شاهد أيضاً

الإستعداد ماقبل وبعد الوصول الى كندا

الإستعداد لماقبل وبعد الوصول الى كندا    كثير مننا لم يكون ناوي يسافر لفترة طويلة …

28 تعليقات

  1. طيب اخوي علاء هل الجامعات الكنديه عندها قبول مشروط؟

    • شف اخوي مقدر اقولك ايوا آو لا لانه القبولات المشروطة صعبة بس مو مستحيلة وتختلف من جامعة الي جامعة. تقدر ترسل لآدارة التسجيل والقبول بالجامعة اللي تبيها وتسآلهم هل ممكن او لا لانه مثل ماقلتلك تختلف من تخصص لتخصص ومن جامعة الي جامعة

  2. الله يسعدكم يارب ويخليكم لبعض . اعطيتني امل وربي من هالناس اللي حطمتني . حاليا جالسه اشتغل على خطاب الغرض من الدراسه والايلتس والله يسهلنا جميعا ويوفقنا

    • اللهم امين ي رب ، الله يوفقك ان شاء الله ويسهل لك دربك ، دام مستوفية كل الشروط راح يجيك قبول ان شاء الله

  3. شكرا اخي بس في عندي سؤال؟
    متى يسكرو التيجيلات لأني انا بتخرج هاي السنة بس الشهادة بتخرج بشهر 6 او 7 . ممكن ابعث ملفي هلا عشان اعمل (pré-inscription )

    • العفو .. تختلف من جامعة الى جامعة

      تقدر تدخل موقع الجامعة اللي تبيها ومنها تشوف deadline للبرنامج اللي انت تبية

      الله يوفقك ان شاء الله ويسهلك

      راسلني لو عندك آي سؤال ثاني

  4. جزاك الله كل خير
    لكن عندي استفسار
    بالبداية لازم اختبر الايلتس واجيب درجته المطلوبة ومن ثم اقدم للماستر
    او اقدر اقدم بدونه بحيث ادرس لغه هناك وابدأ ادرس معها مباشره؟

    • الله يخليك اخوي

      حسب الجامعة اخوي ، بعض الجامعات تعطيك قبول مشروط بحيث تخلص اللغة بنفس المعهد التابع للجامعة

      اما لو مامعاك قبول مشروط ، تحتاج درجة اللغة علشان تقدم للماجستير اكيد لانه من متطلبات قبول طلبك

  5. اسف على تعبك
    جامعة ميموريال قالت ان ممكن تقبل خطاب من جامعتى ان الدراسة فى مرحلة البكالوريوس بالكامل كانت اللغة الانجليزية
    لكن كلمت اثنين من الاساتذة وقالوا ان ما عندهم مقاعد كافية لان deadline يوم 1 ابريل وده معناه ان اغلبية المقاعد اتحجزت
    ايه الحل فى رأيك

    • حياك الله اخوي

      للاسف اذا مافي مقاعد مالك الا الانتظار للفترة القادمة او البحث عن جامعة ثانية

  6. اضافة : من متطلبات القبول في الجامعات الكندية ( خبرة 2-3 سنة بعد التخرج ) + GMAT

    • هلا اخوي

      ممكن في بعض التخصصات ولكن مو بشكل عام هذا الطلب ، انا تكلمت بشكل عام في حالة الطلبات الخاصة بالتخصص اكيد الشخص لزم يشوفها بنفسة

      شكرا لك

  7. سلام عليكم

    انا قدمت على جامعة ماموريل ومتظر الرد، ماجستير في اللغة الإنجليزية
    بس ما رسلت بروفسور هل هذا عادي.

    شكرا

    • عليكم السلام اخوي

      الافضل اخوي تراسل الجامعة وتشوف ردهم بس اعتقد اذا اختيارك كان كورسات من دون بحث هذا عادي ولكن لو كان تقديمك علي كورسات وبحث بهذي الحالة تحتاج مشرف. تقدر تبحث عن دكتور وتراسلة وتشوف الرد.

      كل تخصص لهم بعض القوانين الخاصة فيهم فما اقدر اكد لك اذا مطلوب او لا

      لو مطلوب، حاول في كتابتك للرسالة للدكتور تكون اكاديمية ولا يوجد آي غلط لغوي وابحث عن دكتور يناسك بحسب بحوثة واهتماماته الاكاديمية

      العفو اخوي 🙂

  8. السلام عليكم
    كيف ممكن أقدم امتحان ال CAEL خارج كندا؟؟؟؟

  9. Thank you for the information Mr Alaa . Jazak Allah Khair
    some universities there accept that you provide a letter from your university where to testify that you have completed your undergraduate degree in English and in this case they might exempt you from the English test.
    Thank you

  10. يعطيك العافية سوالي هل زوجتكمبتعثة منقبل وزارة معينة ام بعثات الملك ؟؟
    انا حالياً اسعى للحصول على بعثة من قبل وزارة الصحة وللاسف لم ينفح الابتعاث الا بعد انتهاء التقديم للجامعات في كندا 31 يناير والان مو قادرة اجيب قبول باي جامعة كيف ممكن احل المشكلة هذي؟
    تحياتي

    • الله يعافيك ان شاء الله ، زوجتي على بعثة الملك

      للاسف مااقدر افيدك بهذا الموضوع ، بمكانك مراسلة الوزارة وشرح الوضع ممكن يكون في تجاوب منهم .

  11. واذا ممكن ترسلي صورة من خطاب الغرض من الدراسة اكون شاكرة

  12. هل ممكن تساعدنيفي الحصول على قبول ؟؟

    • اعتذر منك ، البحث عن قبول يحتاج مجهود ووقت وانا للاسف ماعندي وقت . ولا كنت اتمني اساعدك

      الحصول على قبول ماهو بالشي الصعب ، حددي الجامعات المطلوبة وبعدها ابدي بتوفير المتطلبات الخاصة بكل جامعة

      وارفعي طلبك للجامعة والباقي توفيق من الله.

  13. متى راح تنزل صيغه الخطاب والسيرة الذاتيه انتظرررررك

  14. Abdullah Mahalwi

    السلام عليكم ، لو سمحت كم لازم يكون المعدل من 4 عشان يقبلو ادرس ماستر ، ما هيا اقل درجة مسموح بها من 4 ؟

أترك لك رد هنا ... بصمه ب ( شكر/ حكمة / نصيحة ) ..